Heilsuráð Lilju Petru

Heilsa og vellíðan

Um Lilju

Lilja Petra Ásgeirsdóttir kallar sig stundum leiðsögumann líkama og sálar. Hún fæddist í Reykjavík 1961. Hún lærði meinatækni við Tækniskóla Íslands og starfaði við fagið frá 1981-2008 og frá 2011. Árið 1998 lærði hún ásamt manni sínum Shamballa MDH heilun hjá John Armitage og hafa þau haldið fjölmörg kærleiksnámskeið síðan þá bæði heima og erlendis auk þess að sækja fjölmörg námskeið í andlegum fræðum. Þau hafa meðal annars kennt shamballa í Búlgaríu, Frakklandi, Belgíu, Spáni, Noregi, Kýpur og í Kamerún. Árið 2005 útskrifaðist Lilja sem höfuðbeina og spjaldhryggsjafnari og hóf að starfa við það.

Árið 1997 fékk hún köllun um að búa til blómadropa og hefur hún síðan þá verið meðskapari 130 mismunandi hrifkjarna eins og hún kallar þá en þeir innihalda ekki einungis orku blóma heldur orkustaða, fossa, steina og alheimsorku.

Síðastliðin 2 ár hefur Lilja nær einungis starfað við heildrænar meðferðir sem heilsuráðgjafi heilari ásamt því að sinna ferðaleiðsögn um landið. Hún er nú í meistaranámi í META-medicine heilsuráðgjöf hjá Richard Flook.

Síðastliðið haust hóf hún ritun á fyrstu bók sinni sem kom út í rafrænu formi á vetrarsólstöðum. Bókin er á ensku og nefnist “Power of earth is within you”. Nú er hin íslenska útgáfa bókarinnar í vinnslu.

Í bókunum fer Lilja með lesandann í ferðalag um landið okkar og fléttar saman jarðfræði, landlýsingu og sögum við samskipti við frumkrafta og kærleiksorku sköpunarinnar. Í bókinni eru hugleiðslur og leiðbeiningar um hvernig þú getur skynjað orkulínur og huldar verur og vættir. Stefnt er að því að bókin komi út í rafrænu formi á vorjafndægrum.

Lilja rekur Heilsu og hamingjulindina og vefverslunina puls.is ásamt manni sínum, Erlendi Magnúsi Magnússyni heilsunuddara og heilara.

Hægt er að fræðast meira á heimasíðum Lilju

www.puls.is

www.hamingjulindin.is

www.power-of-earth.com